: 2754
كتب عبدالغنى الحايس
abdelghany_elhayes@yahoo.com

كل ليلة أذهب الى النوم تاتى عاليا ابنتى ذات العامين ونصف الى غرفتى لتنام معى بعض الوقت ثم تضع رأسها الصغير على كتفى وتبتسم ابتسامتها التى تزيل كل همومى مؤقتا ثم تقول احكى لى حدوتة وامس الجمعه قلت لها ساحكى لكى حكاية كبيرة قصة شعب وتخيلت ان عاليا اصبحت تملك 16 ربيعا وتفهم وتعى ما أقولة فقلت لها صلى على النبى

فقالت علية الصلاة والسلام

جلست اذكرها بيوم اخذتها معى فى التحرير وقبل رحيل مبارك وانا اصورها فى الميدان واحملها بين ذراعى وهى لم تكمل عامها الاول بعد حتى عندما تصير كبيرة تفتخر انها كانت هنا فى ثورة شعب وخصوصا صورتها مع دعمرو الشوبكى ود احمد دراج واخذت اذكرها واقول لها فاكرة وهى تقول اة فاكرة بعفوية بريئة ثم قالت بقى احكيلى الحدوتة فقلت لها ساحكى لك اعظم حدوتة حكاية شعب قام ضد الظلم والفساد والرشوة والمحسوبية قام ليقول حرية كرامة عدالة اجتماعية ثورة قام بها ابوكى مع شباب كتير زية نزلوا الميدان واقصى امانيهم اقالة وزير داخلية او كام وزير فى الحكومة قامت الحكومة قتلت فينا والدم سال والارواح صعدت لربها برئية طاهرة وهى بتقول حرية قام الشعب انتفض وهاج وقال لألألألأ وصرخ وقال ارحل ارحل واودام قوة الشعب رحل الرئيس فرحنا وهتفنا وبكينا وخدت تانى يوم الرحيل وركبنا العربية واخواتك عمرو وعلاء شايلين على مصر وقولنا نروح السويس نطمن على اهلينا هناك وقبل ما ندخل بيتنا قلتلهم لازم الف شوارع السويس اطمن عليها وحصل اننا لفينا فى الشوارع فى السويس نحى الجنود والضباط من قلوبنا على موقفهم النبيل ونزلنا تانى يوم مع الشباب ننضف فى الشوارع كانت عندنا طاقة نبى هرم خوفو من جديد وقلوبنا مقبلة للحياة بكل الحب عايزة تبنى وتعلى لكن يا بنتى سلمنا مطالبنا اللى اعترف بها المجلس العسكرى وتعهد بتنفيذ كل ما فيها بعد ان اقر بمشروعيتها ولكن لم يحقق منها شىء وفضلنا كل شوية نضغط بمليونيات متتالية على مدار 18 شهر حتى رحل المجلس العسكرى وهو يدة ملوثة بالدماء وخان الشباب وعمل انتخابات قبل الدستور وابتلينا بمرسى رئيس وكان اسوء من اللى قبلة بكتير يا حبيبتى

عارفة عمك على منتمى لجماعه مرسى ومش عارف لية مقتنع بية لكن هو رئيس للجماعه بس ولذلك هو عندة حق صدقينى واوعدك هنشيلة حتى لو بالدم ونسلملكم البلد حرة مدنية مفيهاش كل هذا الغلاء والتطرف اوعدك ان الثورة هتنجح واحكيلك حكاية احسن من دى بكتير

هنتمرد وانا متمرد وامك متمردة كلنا لازم نكمل مشوار دفعنا فية كتير من الارواح من اخواتنا

صمت ثم تذكرت يوم 29 يناير وانا احمل شاب مصاب بطلق نارى مازلت اراة حتى الان وانا احملة بين يدى لابد ان نحصل على حق الجميع ان شاء الله مكمليين

التعليقات